PC Tips

Best 3 Tricks in MS Excel

Hello Friends , Lords of Tech me aapka swagat hai. Dosto aaj hum janenge  Best 3 Tricks in MS Excel  jo bahut hi useful hai or aab ki daily use me bhi aa sakti hai.

MS Excel kya hai ?

MS Excel ka pura naam (Microsoft Excel) or isko “Excel”  bhi kahte hai. MSExcel Microsoft Office ka ek bhag hai. Ye ek spread sheet program hai.  Is software ka use jyada tar log tables banane me karte hai. Is me 1048576 rows or 16384 columns hote hai. Ye humare kaam ke hisab se Expend hote jaate hai. Is me bahut saare formulas bhi hote hai. Or bahut tricks bhi hoti hai. Jo chaliye hum aaj iski best 3 tricks ke bare me jante hai.

Best 3 Tricks in MS Excel.

  1. Data hide kaise kare.

Dosto MS Excel me kai baar humara private data hota hai jise hum kisi ko dikhana nahi chahte par us sheet par kuch aisa bhi data ho sakta hai jise aap chate ho ki sab dekhe. To aap apna kebal wo hi data hide kar sakte ho jise aap kisi ko dikhana nahi chahte .  jyada tar log us data ko hide karne ke liye font color ko white kar dete hai par ye hide bhi koi hide hua bhla agar koi us font ka background color change kar de to wo data saaf saaf dikhega. Aaj me aapko ek tarika btata hu jise aasani se koi unhide nahi kar sakta. To chaliye dosto suru karte hai.

Sabse pahle aap us data ko select kariye jis ko hide karna hai. Ab us par right click kijiye . right click karte hai ek box open hoga jisme aapko “Format cells” par click kariye. Format cells par click karte hi ek window open hogi ab is me aapko  “Custom”  par click karna hai. Custum par click karte hi  usi window ke side me kuch option show honge to waha par aapko General option par click karna hai. Or us General wale column me General ko hta kar  (;;;) ye bold huye  3 symbol aapko likhne hai.  or fir Ok kar dijiye . aapka data hide ho jayega . or koi bhi uska bachgroud change karega bhi to bhi wo show nahi hoga . Aap niche image me dekh sakte hai.

Best 3 Tricks in MS Excel

Dosto data hide karne ke baad aap kaise usko unhide karoge ye bhi me aapko bta deta hu. Jitney cells me wo data tha unko fir unko fir se select kariye or Home Menu me ja kar Custom option  ko General kar dijiye aapka data Unhide ho jayega. Aap niche image dekh sakte hai.

For Unhide Data

2 Scrolling ko lock kaise kare

Dosto  kabhi kabhi hum chahte hai ki humari banai hui sheet me koi har ek cell pe na ja sake . hum chahe unhi cells tak pahuch sake . dosto is se ek fayada bhi hai ki wo hamari sheet ko edit nahi kar sakta bas unhi cells ko edit kar sakta hai jiski humne permission di hai. to chaliye suru karte hai.

Sabse pahle aap us sheet pe jaye jaha aap scrolling lock karna chahte hai.

Manlo aapne “Sheet 1” me aapne wo data save kiya hai. ab is sheet me aapko cell Address ko yadd rakhna hai jinme aap Scrolling ko chalu rakhna chahte ho baki sabhi cells lock ho jayenge. Jaise pahli A1 se H8 rakhunga baki sab lock ho jayege. Aap apne data ke hisab se le sakte hai. ab aapko Taskbar ke pass Sheet 1 par Right Click karni hai or View Code par click kare . ab ek window open hogi jisme aaoko Sheet 1 par click karna hai. aap usi sheet par click kare jis par aapka data hai. ab aapko F4 press karna hai. press karte hi Properties Window open ho jayegi. Ab is me aapko “Scroll Area”  uske samne  khali jagah me apne wo cells address ko likh de or Dono  window ko kat de . aapki Scrolling Lock ho chuki hai. aap niche Image dekh sakte hai.

For lock Scrolling in MS Excel

3-  Khali Cells ko hide kaise kare

Dosto  jab bhi hum MS Excel me koi table bnate hai to hum kitni bhi badi table bna le par itni badi nahi bna sakte ki puri sheet bhar jaye. to agar hum chahe to un cells ko hum hide kar sakte hai jin par hmne kaam nahi kiya. Aap niche image dekh sakte hai.

Hide Cells in Excel

To chaliye dosto Suru karte hai.  aap apni us sheet pe pahuch jaiye jaha aapko cells hide karni hai. ab aapko jo cells hide karni hai  uske left site me serial number show hote hai waha par click kare. Ab aapki ek puri row select ho jayegi . lekin aapko puri niche tak select karni hai to uske liye aap (Ctrl+shift+ Down arrow Key) press kare. ab aapki sari rows select ho jayegi . ab in me se kisi ek par right click karke hide kar de.aapki rows to hide ho chuki hai. aise hi aapko columns bhi select karni hai. jaise pahle jaha se columns ko hide karna hai . aapki sheet ke upar Alphabet (A,B,C,D) in me se kisi ek par click kare to ek column select ho jayega likin saare select karne ke liye (Ctrl+shift+Right arrow Key) press kare. ab aapko nime se kisi ek columns par right click karna hai or hide kar dena hai. bss dosto ab aapki kebal wo hi sheet show hogi jisme data hai .

To dosto aagar aapko ye Best 3 Tricks in MS Excel. Bastav me hi useful lagi ho to is post ko apne dosto ko share jarur kare  jis se unko bhi iske bare me pta lge or bo bhi ye kar sake.

Thanks Dosto.

Tagged , ,

Leave a Reply

Your email address will not be published. Required fields are marked *